Article Summary Rashmika mandanna  (ಮುಖ್ಯಾಂಶಗಳು)

• ‘ಕಿರಿಕ್ ಪಾರ್ಟಿ’ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ರಶ್ಮಿಕಾ ಮಂದಣ್ಣ ತಮ್ಮ ಮದುವೆಗೆ ರಕ್ಷಿತ್ ಹಾಗೂ ರಿಷಬ್ ಶೆಟ್ಟಿಗೆ ಆಹ್ವಾನ ನೀಡಿಲ್ಲ ಎಂಬ ಸುದ್ದಿ ಸದ್ದು ಮಾಡುತ್ತಿದೆ.

• ರಾಜಸ್ಥಾನದ ಉದಯಪುರದಲ್ಲಿ ಇಂದು (ಫೆಬ್ರವರಿ 26) ವಿಜಯ್ ದೇವರಕೊಂಡ ಜೊತೆ ಹಸೆಮಣೆ ಏರುತ್ತಿರುವ ನ್ಯಾಷನಲ್ ಕ್ರಶ್, ಸ್ಯಾಂಡಲ್‌ವುಡ್‌ನ ಕೆಲವೇ ತಾರೆಗಳಿಗೆ ಮಾತ್ರ ಮದುವೆ ಕಾರ್ಡ್ ಕೊಟ್ಟಿದ್ದಾರಂತೆ.

• ರಶ್ಮಿಕಾ ಆಪ್ತ ಗೆಳತಿ ಆಶಿಕಾ ರಂಗನಾಥ್ ಈಗಾಗಲೇ ಮದುವೆಯಲ್ಲಿ ಭಾಗಿಯಾಗಿದ್ದು, ಮತ್ಯಾರಿಗೆಲ್ಲಾ ಇನ್ವಿಟೇಶನ್ ಹೋಗಿದೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಮನೆಮಾಡಿದೆ.

ತಮ್ಮನ್ನೇ ಬೆಳೆಸಿದ ‘ಶೆಟ್ಟಿ ಗ್ಯಾಂಗ್’ ಮರೆತರಾ ರಶ್ಮಿಕಾ? ವಿಜಯ್ ದೇವರಕೊಂಡ ಜೊತೆಗಿನ ಮದುವೆಗೆ ಸ್ಯಾಂಡಲ್‌ವುಡ್‌ನಿಂದ

ಯಾರು ಹೋಗಿದ್ದಾರು?

ಸ್ಯಾಂಡಲ್‌ವುಡ್‌ಗೆ ‘ಸಾನ್ವಿ’ಯಾಗಿ ಎಂಟ್ರಿಕೊಟ್ಟು, ಈಗ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ನ್ಯಾಷನಲ್ ಕ್ರಶ್ ಆಗಿ ಮಿಂಚುತ್ತಿರುವ ರಶ್ಮಿಕಾ ಮಂದಣ್ಣ ಮದುವೆ ಸಂಭ್ರಮ ಜೋರಾಗಿದೆ. ಇಂದು (ಫೆಬ್ರವರಿ 26) ರಾಜಸ್ಥಾನದ ಉದಯಪುರದಲ್ಲಿ ಟಾಲಿವುಡ್ ಹ್ಯಾಂಡ್‌ಸಮ್ ಹಂಕ್ ವಿಜಯ್ ದೇವರಕೊಂಡ ಜೊತೆ ರಶ್ಮಿಕಾ ಹಸೆಮಣೆ ಏರುತ್ತಿದ್ದಾರೆ.

ಈ ಗ್ರ್ಯಾಂಡ್ ಡೆಸ್ಟಿನೇಷನ್ ವೆಡ್ಡಿಂಗ್‌ಗೆ ದೇಶದ ನಾನಾ ಭಾಗಗಳಿಂದ ವಿಐಪಿಗಳು ಸಾಕ್ಷಿಯಾಗುತ್ತಿದ್ದಾರೆ. ಆದರೆ, ಇದೇ ಹೊತ್ತಲ್ಲಿ ರಶ್ಮಿಕಾಗೆ ಮೊದಲ ಬ್ರೇಕ್ ನೀಡಿದ್ದ ನಟ ರಕ್ಷಿತ್ ಶೆಟ್ಟಿ ಹಾಗೂ ನಿರ್ದೇಶಕ ರಿಷಬ್ ಶೆಟ್ಟಿ ಅವರಿಗೆ ಮದುವೆ ಆಹ್ವಾನ ಹೋಗಿಲ್ಲ ಎಂಬ ಬಿಸಿಬಿಸಿ ಚರ್ಚೆ ಗಾಂಧಿನಗರದ ಗಲ್ಲಿಗಲ್ಲಿಗಳಲ್ಲಿ ಶುರುವಾಗಿದೆ!

ಹೌದು, ಬ್ಲಾಕ್ ಬಸ್ಟರ್ ‘ಕಿರಿಕ್ ಪಾರ್ಟಿ’ ಸಿನಿಮಾ ಮೂಲಕ ತಮಗೆ ಚಿತ್ರರಂಗದ ಬಾಗಿಲು ತೆಗೆದ ‘ಶೆಟ್ಟಿ ಗ್ಯಾಂಗ್’ ಅನ್ನೇ ನಟಿ ಈ ಶುಭ ಸಂದರ್ಭದಲ್ಲಿ ಮರೆತುಬಿಟ್ರಾ? ಅನ್ನೋ ಪ್ರಶ್ನೆ ಸಿನಿಪ್ರಿಯರನ್ನು ಕಾಡುತ್ತಿದೆ. ಮೂಲಗಳ ಪ್ರಕಾರ, ತಮ್ಮ ವಿಶೇಷ ದಿನದಂದು ಕನ್ನಡ ಚಿತ್ರರಂಗದ ಬೆರಳೆಣಿಕೆಯಷ್ಟು ಆಪ್ತರಿಗೆ ಮಾತ್ರ ರಶ್ಮಿಕಾ ಮದುವೆ ಕಾರ್ಡ್ ಕಳುಹಿಸಿದ್ದಾರೆ ಎನ್ನಲಾಗಿದೆ.

ಈಗಾಗಲೇ ರಶ್ಮಿಕಾರ ಕ್ಲೋಸ್ ಫ್ರೆಂಡ್, ಸ್ಯಾಂಡಲ್‌ವುಡ್ ಬ್ಯೂಟಿ ಆಶಿಕಾ ರಂಗನಾಥ್ ಉದಯಪುರಕ್ಕೆ ಹಾರಿ ಮದುವೆಯ ಪ್ರತಿಯೊಂದು ಶಾಸ್ತ್ರಗಳಲ್ಲೂ ಕಂಗೊಳಿಸುತ್ತಿದ್ದಾರೆ. ಆದರೆ, ಶೆಟ್ಟಿ ಗ್ಯಾಂಗ್ ಕೈಬಿಟ್ಟು, ಸ್ಯಾಂಡಲ್‌ವುಡ್‌ನಿಂದ ಮತ್ಯಾವ ಸ್ಟಾರ್ ನಟ-ನಟಿಯರು ಈ ಹೈ-ಪ್ರೊಫೈಲ್ ಮದುವೆಗೆ ಹಾಜರಿ ಹಾಕಲಿದ್ದಾರೆ ಎಂಬ ಕೌತುಕ ಸದ್ಯಕ್ಕೆ ನೆಟ್ಟಿಗರಲ್ಲಿ ತೀವ್ರವಾಗಿದೆ.